LOREMIPSUM: TASMAK

Jar urang urang tuha bahari ngaran barangni dingarani: tasmak, dasan mbaca. Masih jarang pang urang bahari bakacamata atawa batasmak ndasan malihat barang tu nang jauh hanyar whahinian pang kutangguhi banyak urang makai tasmak ndasan malihat jauh.

Kada bapanjang carita, gambar nang diatas tu tasmak ndasan ulun pakai pang, istilah kasihatannya kada ndasan mambaca, ndasan malihat jauh; ulun mun mabaca kada paralu pakai tasmak masih nurmal pang, jadinya nukarnya kada nang plus tapi nangpina minus. Mun bubuhan sabarataan malihat ada tasmak daitas hapi tapi pina ada macam papan katik nah: Nangintu pulang ndasan ulun manulis koding, hubi atawa gawian sampingan ulun ni mandesain web pasanan kakawanan. Lumayanai ndasan tambahan nukar ruku.

Sanghaja ulun nulis pakai bahasa nang pina urang umum kada mangarti, napa yuuu...mun pian barataan mambaca artikal lain di halaman web yang ngini bahasanya disambat: LOREMIPSUM. Bahasanya dummy. Dummy artinya bahasa palsu ndasan contoh ma ulah artikal. Yang ulun tawarkan wan kakawanan yang cari duitnya pakai unlin (internet) disambat "theme" atawa "template" biasanya yang maulahkan tu urang urang lulusan "web-design" ulun ni kada lulus apa apa, tapi ulun katuju pang balajar surangan. Maklum kadada ungkus sakulah, jadinya guring pina malalur bangun paginya mbapa pang matahari sudah tinggi jar urang tuha bahari rajaki dimakan burung.

pukuknya, mun manulis ulun pakai keyboard atawa papan katik. Kada pakai laptop, kada pakai kumputir, pakai tablit ndaraha, kadang mun hanyar nulis artikal pakai hapi gan hingkat. Di hingkat hingkatkan, mun dah jadi kabiasaan lancar.